Il progjet al nas de volontât di presentâ e di colegâ tra di lôr il swing e il klezmer midiant di une interpretazion leade ae tradizion, tiessint une trame solide che su chê si disvilupe il cjant dal clarinet, presince costante e protagonist virtuôs dal cuartet. Il repertori si môf dai swing classics di Henghel Gualdi, al passe al manouche di Django Reinhardt e al rive aes melodiis apassionadis e ai ritmis vivarôs dal klezmer di Giora Feidman. A rivin a Folkest midiant des selezions dal concors Sunâ@Folkest.
Formazion: Vincenzo Panebianco – clarinet; Giovanni Panciroli – ghitare; Alessandro Marchiorri – cuintribàs; Danilo Miccoli – batarie.
