Il spetacul “Ponti/Puints” al bute un puint tra storiis di migrazions. Lu fâs midiant di musis e di vôs di migrants di vuê, e storiis e imagjins di migrants di îr, fasint viodi cemût che, pûr se cun fenomens diviers, i sintiments e lis emozions di cui che al migre si somein a cjaval di epochis e di culturis.
La introduzion dal spetacul e je afidade a un côr multietnic – direzût e coordenât di Michela Grena – che al cjape dentri personis che a àn fate domande di asîl e che a son ospitadis intal teritori pordenonês. A fâ di eco, la conte dai furlans che a àn contribuît ae costruzion de transsiberiane ae fin dal secul XIX. Il percors al è il risultât de ricercje di doi storics e scritôrs tant che Angelo Floramo e Alberto Vidon, acompagnâts inte narazion des musichis dai Carantan. In colaborazion cun Nuovi Vicini Soc. Coop. Soc. e cu la cooperative Polinote.
