Intai agns Setante il grup Vizonto, che al vignive di Budapest, al rivoluzionà il mût di intindi la musiche tradizionâl ongjarese, messedant elements de tradizion cun moments plui modernis, ancje continuant a doprâ dome struments acustics.
Intant che e continuave la vite dal grup i diviers membris a àn vût cetantis altris esperiencis: János Hasur, ecletic violinist, al fo par agns te Teather Orchestar di Moni Ovadia, impen Mihály Huszár al finì par sunâ il bas e cuintribàs e zirâ la Europe cun Angelo Branduardi.
Cumò, cul intent di contânus e fânus sintî di ducj i colôrs, chescj doi vielis amîs si son metûts insiemi par un duet de classe infinide e dal nivel tecnic stelâr.
Formazion:
János Hasur – violin, viole, vôs, contis;
Mihály Huszár – armoniche, cuintribàs, vôs.
