Di un incuntri fortuit, tal 2010, Paolo Tofani e Giovanni Floreani, e an tirât fûr une amicizie e une empatie che ur à permetût di superâ il limit de superficiâl colaborazion professionâl. Un percors che a l’à prodot concierts, performance, iniziativis interdissiplinârs e un album, “Sounds of…”.
Il fîl che a l’à unît in intents dai doi musiciscj a l’è simpri stât caraterizât dal desideri/bisugne di sperimentâ, di lâ oltri i schemis e soredut dâ a le musiche une vieste umane. Le musiche e conte l’Om, i soi limits e i soi merits, les sôs debilecis e le sôs intuizions. Dut chest al permet di jessi des cjadenis di une partidure piturade di logjiche e estetiche.
Paolo Tofani fin de so storiche esperience cui Area, a l’à vût mût di cognossi un florit moment ci creativitât sostignude di contignûts sociâi introdots di Gianni Sassi (deus ex machina de Cramps Records) e de spirtade gjenialitât di Demetrio Stratos.
Giovanni Floreani a l’à fat dai soi Strepiz une des band pui fighis in Friûl Vignesie Julie, metint insiemi artiscj maraveôs come Pierre Faver e Yang Jing, oltri a impuartants nons de sene musicâl locâl.
Il risultât di chestis incrosadis a l’è sei rivâts a une musiche cence timp ne spazi, dulà che IMPROVISAZION e segne le centralitât dal asset dal sun, ma no je casualitât, invessite MEDITAZION e zonte un element di profonditât e, al timp stes, di legerece trscendentâl.
Corints emozionâls che e saltin fûr gracie a une curade senografie che si môf tor a tor dai moviments coreutis di Francesca Ferdaj Dalla Bernardina e a les sugjestivis imagjinis prodotis di Ofealia Croatto.
Le narazion, espresse de zovine atore Giulia Grimaz, e rapresente le sume des evoluzions riflessivis su les cuistions spes frontâts dai doi musiciscj in tai varis moments di strade comun e des lôr personâls esperiencis: il Sacri te semplicitât e umiltât dal vivi di ogni dì, le cussience dai propris limits, le amicizie, le fragjilitât dal cuarp cuintriponude a le permanence de anime…ma ce che al sburte di pui i doi autôrs a l’è gjavâ Art e Musiche di une efimare fruizion e lassâ al public un trat di utilitât.
Formazion:
Paolo Tofani – Krsna Prema – Live elettronics , I Pad, seaboard, keyboard
Giovanni Floreani – Cister, duduk, pive, noises
Francesca Ferah Dalla Bernardina – Moviments coreutiche
Ofelia Croatto – Imagjinis
Giulia Grimaz – Leturis
