Powered by UPBEAT
La clamade par partecipâ ai Folkest Showcase – powered by UPBEAT e je vierte: la sezion dal program dal festival Folkest e fâs part dal progjet UPBEAT, la plateforme europeane pai Showcase di musiche World, dedicade ai showcase in direte di artiscj internazionâi emergjents intal panorame di chest impuartant gjenar musicâl. I artiscj selezionâts a sunaràn jenfri il 4 e il 6 di Lui dal 2025 a San Denêl, propit tal contest des iniziativis centrâls dal Festival. A saran 8 artiscj emergjents sielzûts su la sene internazionâl di un dai festivals plui impuartantis de Europe dal Sud.
Lis iscrizions, viertis in maniere uficiâl ai 20 di Novembar, a si sieraràn ai 20 di Zenâr dal 2025. ACHÌ o cjatis i regolaments e il form par iscrivisi.
Par cui isal Folkest Showcase? A son viertis a artists/grups di ducj i paîs de Union Europeane e de Islande, de Norvegje, dal Liechtenstein, de Albanie, de Bosgne e Erzegovine, dal Kosovo, dal Montenegri, de Macedonie dal Nord, de Serbie, de Gjeorgje, de Tunisie e de Ucraine. Ogni artist/grup al à di proponi un progjet di musiche world, jessi bon di ufrî un showcase di 40 minûts, jessi pront a frontâ un program intensîf, che al cjape dentri incuintris, seminaris, incuintris di relazions, Folk Clinic intant che a saran a San Deneêl. Par partecipâ, i musiciscj a àn di jessi: sot dai 35 agns, no vê fat plui di 3 discs (il prin album nol à di jessi jessût plui di 5 agns prin de iscrizion), a àn di jessi pardabon
emergjents e duncje no vê plui di 20 mîl followers sui social media e duncje no an di vê partecipât a un
tour internazionâl di plui di 10 datis e nol à di vê un contrat cuntune cjase discografiche internazionâl.
Intal stes moment, e an di vê tignût almancul un conciert intun contest professionâl e vê une presince
sul web, ancje se no massive, di sigûr ancje professionâl (sît web e social media).
I artiscj selezionâts a saran comunicâts ai 21 di Març dal 2025 sul sît dal Folkest e sui canâi sociâi.
Une oportunitât uniche e iripetibil di jessi viodûts e sintûts di agjents internazionâi, programadôrs di
festival, curadôrs di musiche e dal public dal nestri festival, ma ancje par vê un feedback dai professioniscj dal setôr, slargjâ lis relazions professionâls, e oportunitât par jessi clamâts par spetacui in divignî e partecipâ ai cors di formazion.
Al è impuartant ricuardâ come che i Folkest Showcase – powered by UPBEAT e son une oportunitât
preziose pai artiscj di vê acès a ducj i concierts dal festival, ai events di rêt, ai incuintris di studi e ai cors di formazion professionâl. Ma ancje par cjatâ professioniscj de industrie de musiche, agjents, festival, programadôrs e curadôrs musicâi, gjornaliscj e esperts e duncje par rifinî la cognossince dal ambient musicâl professionâl, lis relazions funzionâls par fâ de musiche un lavôr reâl: il cûr al è su seminaris e cors di formazion professionâl riservâts ai musiciscj.
Folkest Showcase al fâs part di UPBEAT – Platforme Europeane pai Showcase di World Music. Il so program di showcase al è sostignût di Upbeat, de Union Europeane, de Regjion Friûl Vignesie Julie e dal Comun di San Denêl.
Par informazions: folkestshowcase@folkest.com – info@folkest.com – +39 0432 1723158