Miercus ai 4 di Lui, che a scomencin ducj aes 21.15. Si spiete tal parc dal Palaç municipâl di Gurize la bielissime vôs de cjantante bosgnache Amira Medunjanin, la Billie Holiday de Bosgne. Nassude a Sarajevo tai agns Setante, vuê e la uniche interprete di lenghe sclave che e rive a espuartâ la musiche tradizionâl dal so paîs fûr dai siei confins. Amira e je la plui grande esponente de sevdah, la musiche popolâr de Bosgne Erzegovine, un gjenar une vore leât ae sô culture, te stesse maniere dal fado in Portugal o de morna a Capo Verde. “La svedah? Al è dificil definîle”, e spieghe Amira. “No je dome tradizion musicâl, ma un stîl di vite, il riflès de memorie, e lis cjançons di sevdah a contin la bielece de vite, il desideri, ma ancje la avilizion, il lancûr, il font de disperazion”. E sarà compagnade de ghitare di Ante Gelo, un dai produtôrs plui impuartants de sene jazz cravuate, oltri che brâf ghitaris e performer.
[message_box title=”AMIRA MEDUNJANIN E ANTE GELO” color=”yellow”]
Lûc dal conciert: Gurize, Parco del Palazzo Municipale [Cemût rivâ ca di nô]
Se al vis di vigne brut timp, si faserà te Teatro Verdi
Zornade: 04/07/2018
Artist: Amira Medunjanin e Ante Gelo
Paîs: Bosnia/Croazia
Inizi dal conciert: 21.15
[/message_box]
GURIZE
Su la confluence des dôs viis naturâls di comunicazion tra orient e ocident, lis Vals dal Lusinç e dal Vipau, lûc impuartant di passaç za in timps lontans, Gurize e je bagnade dal flum Lusinç. La citât si presente su la planure dal Lusinç cenglade des culinis dal Cuei, cognossudis pe culture de vît e pe produzion di vins di cualitât. La puarte plui biele vierte su la Italie: cussì il grant pitôr Max Klinger al à descrit Gurize. E svante une atmosfere particolâr dade dal compenetrâsi intune uniche citât di tantis tradizions diviersis. Di fat, Gurize e je la vere crosere des grandis culturis europeanis: chê latine, chê slave e chê gjermaniche, cheste particolaritât e je presinte in ducj i aspiets de tradizion, fasintle uniche.