Alvise Nodale

Giovin cantautôr cjargintal, al à incidût il so prin disc da solist, Conte Flame, intal 2015. Svizinât ae ghitare da autodidat, al reste incantesemât dae musiche popolâr vignint in contat prime cun Lino Straulino e daspò cun Giulio Venier. Figure centrâl da la gnove scene musicâl furlane, Alvise Nodale al è l’erede da cjançon d’autôr che in Cjargne e à lidîs profondis. Dopo il secont disc in talian, The Dreamer, e il lavôr su pa’ lis baladis tradizionâls Villan Dorme, al à dât a lis stampis un altri lavôr, un grum poetic, dut dedicât a parsonâls rileturis di tocs da tradizion popolâr furlane. L’ultim lavôr discgrafic, produsût da Edoardo De Angelis, al rapresente un altri pas inte so cariere in ambit nazionâl.