Doi di resinte formazion, nassût des cuarantenis, formât di Andrea Del Favero, un dai musiciscj clâf de rinassite de musiche furlane (La sedon salvadie, Tischlbong, Moia), che si divît jenfri armonichis diatonichis e percussions, e Fulvia Pellegrini (IndovinatoDuo, Green Waves, Tischlbong, La Luna e il Falò), violiniste di formazion classiche inmagade dai suns d’Irlande. Un puint musicâl che al lee l’Irlande a la nestre tiare, di une giga a une manfrine, di cualchi valzer inmagant a ariis insumiantis, par finî ai gnûfs tocs scrits par chest spetacul, dulà che i suns dai doi struments soliscj si tiessin e si fondin balant.
Formazion:
Andrea Del Favero – armoniche diatoniche, percussions;
Fulvia Pellegrini –violin.
