Elena Ledda & Mauro Palmas

Doi grancj protagoniscj dal panorame musicâl talian inmò insiemi par un conciert che al regalarà mil sorpresis, fra ritms e sonoritâts dal Mediterani: la vôs Elena Ledda e Mauro Palmas, polistrumentist e composidôr pardabon originâl. La vite musicâl da Sardegne a si caratarize non dome par lis carataristichis arcaichis di struments e tecnichis vocâls cuntune storie che a si piert indaûr intal timp, ma ancje par la vivarositât dal presint. Da agns Elena Ledda e Mauro Palmas a sperimentin, cence mai perdi di vôli la proprie identitât, gnovis pusibilitâts di incuintri tra musiche tradizionâl e altris espresions sonoris, prefigurant une musiche vierte a lis influencis dal jazz, da la cjançon d’autôr e da musiche da Mediterani in gjenerâl. Un progjet artistic che al tocje i sentiments plui vêrs e profonts. Lis mandolis di Mauro Palmas, la vôs di Elena Ledda, une lenghe evocative e antighe come chê sardegnule, a nus puarte in monts musicâls e emozions che a superin la percezion dal timp.