I Folkstone a nassin tor de fin dal 2004 e fin dal principi a metin dongje l’hard rock a struments che la tradizion par solit e vûl in vieste acustiche. Crevant duncje ogni scheme, i struments protagoniscj de sene a deventin baghis, bombardis, arpe, cittern, bouzouki, ghironde e flauts, creant la atmosfere sugjestive che di simpri e contrassegne la band e il feeling cul public. Intai lôr energjics live, che ju viodin presints su tancj palcs in locâi e festivai in Italie e tal forest, a proponin un alternâsi dai lôr lavôrs che fin a vuê a àn incidût. I prins doi, Folkstone e Damnati ad Metalla a son vignûts fûr pe etichete Fuel Records/Self. Dopo di chescj a son rivâts la racuelte acustiche Sgangogatt e il cuart disc Il Confine. A dan duncje vite ae etichete indipendente Folkstone Records, e cun chê a regjistrin il lôr prin DVD live, Restano i Frammenti. E dopo al ven fûr Oltre…l’Abisso, che al viôt la colaborazion di Chris Dennis (ex Modena City Ramblers e Nomadi…) al violin e Fidel Fogaroli (ex Verdena) al piano. Rock e energjie pure a acompagnin tescj introspetîfs e autobiografics che a cjalin cuntun voli critic la societât presinte, contade ancje midiant des storiis di personaçs insolits che a àn lassât un segn.
Formazion: Lorenzo Marchesi – vôs; Roberta Rota – baghis, bombarde, vôs; Matteo Frigeni – baghis, ghironda, bombarde; Maurizio Cardullo – baghis, flauts e bouzouki irlandês, cittern, bombarde; Andrea Locatelli – baghis, bombarde, percussions; Silvia Bonino – arpe; Luca Bonometti – ghitaris; Federico Maffei – bas; Edoardo Sala – batarie e percussions.
