Un cuintribàs e une ghitare acustiche si cjatin e a fevelin, lis cassis armonichis a deventin percussions stranis, i ritmis e lis melodiis si corin daûr e si lein in maniere simpri gnove e fuarte creant un jazz insolit e moderni, plen di ritmi e energjic. Al è l’Acoustic Groove dal Humpty Duo, formazion nassude tal 2010, cun doi discs e un EP publicât e la partecipazion a manifestazions impuartantis come Umbria Jazz, Udin&Jazz, Folkest, Nei Suoni dei luoghi, Ferrara Buskers Festival, Jazzit Fest. Al è pene vignût fûr il lôr gnûf disc, Synchronicities, dulà che a tratin a lôr maniere lis musichis di Sting.
Formazion: Luca dal Sacco – ghitare; Matteo Mosolo – cuintribàs.
