Formazion:
Alessandro Anderloni – narazion e dizion dai cjants
Mauro Palmas – liût cjantabil
Alessandro Anderloni – tescj e regjie
Mauro Palmas – musiche origjinâl
Àissa Màissa, elenaledda vox – produzion
Itinerari poetic – musicâl in trê tapis de Divine Comedie di Dante Alighieri
INFIÊR XXVI, il svol spirtât
PURGATORI II, ll stupôr dal cjant
PARADÎS XXX, il sparniçâsi de lûs
Le divine comedie e tache, e finis, e torne a tacâ subite dopo nel mezzo del cammin di nostra vita. In ocasion dal setim centenari de muart di Dante Alighieri (1321 – 2021), Alessandro Aderloni e Mauro Palmas e presentin un gnûf progjet di teatri-musiche e e compagnin i spetatôrs in t’un percors fisic, poetic e musicâl lunc les trê cantichis dal poeme, cu le dizion di trê cjants compagnade di musichis origjinâls. De sfondare dei conseîrs fraudolents, dulà che in te flame a dôs pontis le vôs di Ulisse e conte il so ultin svol spirtât (Infiêr XXVI), a le rene dal Purgatori cun l’incuintri di Dante cul musicist e l’amì Casella (Purgatori II), fin a le candide rose, tal sparniçâsi de lûs dal Empiri (Paradîs XXX)
Il spetacul si svilupe in trê tapis e al pues sei proponût in forme itinerante, in lûcs naturâi o d’art, o su palcs di teatri, di auditorium o salis di conciert. Le narazion di Alessandro Anderloni e instrece les gnovis e les contis su le vite di Dante, l’inmagament pe so Comedie fin a le dizion a memorie dai trê cjants, compagnade dai intervents musicai di Mauro Palmas cun musichis componudis pal spetacul. Une esperience dulà che le peraule e le musiche e batin une strade fisiche e spirituâl e ch’e tornin chel shock di intensitât poetiche che al descrîf Thomas Eliot denant dal pui grant poeme mai scrit di un om.
Alessandro Anderloni
Autôr, regjist, atôr, a l’à tacât di zovin il so percors di dramaturc su les monts di Verone, scrivint e metint in sene dai agns Novante a vuê pui di cincuante tescj origjinai. Dopo le lauree in Letaris si è dedicât a le didatiche dal teatri e si è specializât in direzion di côr e composizion di musiche pe sene cun Bepi De Marzi. Si dediche a le Divine Comedie di pui di vincj agns, a l’à scrit trê rielaborazions teatrâls pai frutins, i spetacui di prose Inferno e Comedìa, il spetacul di teatri-danze La Divina Commedia cui les coreografiis di Silvia Bertoncelli e le musiche di Zeno Baldi. Dal 2018 al condûs un progjet teatrâl dedicât a Dante cu le compagnie di detignûts Teatro del Montorio de preson di Verone. In tal 2016 a l’à debutât come atôr di monolics dedicâts a le Divine Comedie (al cognòs cetancj cjants a memorie) e di tantis performance di narazion musicâl, ancje itinerantis. Dal lunc sodalizi cun Mauro Palmas a l’è nassût, tal 2019, Il divino cammino.
Mauro Palmas
Compositôr, strumentis, ricercjadôr, al tache le so cariere a Cagliari colaborant cun grup di ricercje e recupar storic-critic de musiche popolâr. Tal 1977 al fonde il grup Suonofficina che al vierç le musiche tradizionâl sarde a incuintris e sperimentazions cu les tradizions musicâls di dut il Mediterani. Specializât in tal studi dai ritmis dal bal, al cree une tecniche che i permet di doprâ il lengaç des antighis nodas delle launeddas su le mandule. In tal 1979 al incuintre le cjantante Elena Ledda, cu le cuâl al condivît sieltis e progjets che e sbocjin in t’une intense e frutuose ativitât conciertistiche e discografiche (Ammentos 1979, Sonos 1989, Incanti 1994, Maremannu 2000, Cantendi a Deus 2009, Làntias 2017), tai stes agns numerosis les produzions discografichis a so non (A volte ritornano 1999, Cainà 2000, Il colore del Maestrale 2011, Palma de sols, 2019). Al incuintre sui palcs di dut il mont i grancj protagoniscj de culture musicâl internazionâl, ancje traviers une siore ativitât tal ambit de musiche di sene e de composizion di colonis sonoris. Al cure le direzion artistiche de rassegne musicâl torzeone Mare e Miniere.
