Krzikopa, un non che cun cualchi dificoltât o podìn pronunziâ par inglês Kshee-copa, e je une formazion interessante che di cualchi an si dediche ae promozion de musiche e de culture de antighe regjon romane de Silesie, chê Slesie che vuê e je la part plui industrializade de Polonie, che e confine cu la Republiche Ceche e la Slovachie.
Par fâlu a àn cirût une linie musicâl personâl, gracie a un stîl che lôr a definissin progressive elektro-folk. Bielis vôs femininis in evidence, violin e armoniche e une sezion ritmiche moderne e adiriture dance. E propit chel dal bal al è l’obietîf principâl dal grup: par fâlu a àn decidût di atualizâ la lôr propueste musicâl cun stilemis di bal dal dì di vuê, no lassant fûr però incursions classichis tra Beethoven e Strawinsky.
Formazion:
Katarzyna Dudziak e Karo Przewloka – vôs solistis;
Adam Romański – violin;
Mateusz Dyszkiewicz – bayan;
Dominik Kalamarz – eletroniche;
Spacepierre – batarie e percussions.
