I fradis Méabh and Tiarnán Smyth (violin, ghitare e vôs) a son di Armagh e a son cressûts te scuele dai Armagh Pipers Club, une realtât culturâl che e à fate la storie de musiche tradizionâl te Irlande dal Nord. A lôr si son zontâts la brave Mairéad Mitchell ae concertine e Eimhéar Mulholland al organet e ae vôs. La musiciste plui zovine dal grup e je Mialughain O Donnell, za campionesse in Irlande di flaut traviers, che e ven di une famee une vore plene di musiche popolâr. Ducj students, a àn come cualitâts principâls la frescjece e la fuarce esecutive, che in pôc timp ur à permetût di partecipâ a manifestazions impuartantis come il Celtic Colours, il William Kennedy Piping Festival, Celtic Connections and Piping Live, sunant prime di artiscj di grant valôr come Lúnasa, Four Men and a Dog e Flook.
Formazion: Méabh Smyth – violin; Tiarnán Smyth – ghitare e vôs; Mairéad Mitchell – conciertine; Eimhéar Mulholland – organet e vôs; Mialughain O Donnell – flaut traviers.
