A nûf agns al scomence a studiâ piano, ma a sedis agns al cjate il teatri e di chel moment al decît di dedicâsi ad implen ae recitazion, ae regjie e ae dramaturgjie. Al scrîf plui di cuindis oparis e al vinç une vore zovin il premi Sipario (dôs voltis pal miôr test) e il premi Schegge di Teatro pe miôr regjie e il miôr test. Al torne a partî cu la musiche, publicant diviers tocs che i fasaran vinci tra il 2013 e il 2014 tancj premis (Ciampi, De André, SIAE, AFI, Palco Libero e Musicultura) e che dopo a saran contignûts intal so prin album “Non trovo le parole”, rivât secont ae Targhe Tenco tant che miôr album di esordi. Tal Fevrâr dal 2017 si classifiche secont inte sezion gnovis propuestis dal Festival di Sanremo, vincint però tancj premis, tra chescj il premi de critiche “Mia Martini”.
