Cuartet di musiche jazz/swing o jazz/manouche componût di musiciscj vignints di veriis realtâts musicâls, unîts de passion musicâl pal swing francês dai agns ’40: classics de tradizion gipsy jazz, gjenar musicâl nassût tai agns Quarante a Parigji par man da ghitarist zingar Django Reinhardt e dal violinist Stephane Grappelli in tal grup Quintette du Hot Club de France. In tai agns i Lune Troublante e àn svilupât une grande varietât ritmiche, melodiche e cun tescj in talian. Il grup si segnale ancje parcè che al dopre struments simii par fature e tipologjie ai struments origjinai de epoche, in particolâr a les maraveosis ghitaris Selmer/Maccaferri. E presentaran a Folkest 2021 il lôr gnûf lavôr discografic.
Formazion:
Matteo Sgobino – vôs e ghitare;
Didier Ortolan – clarinet e sax;
Sebastiano Frattini – violin;
Alessandro Turchet – cuintribas.
