Striât da la ghitare fin da giovin, daspò lis primis espariençis inta l’arê di Cordobe, al jentre a fâ part dal famous grop Quetral, realizant une impuartant ativitât concertistiche in dutis lis provincis argentinis e partecipant intai plui famous festival. Intal 1987 a si trasferisc a Turin ‘la che al jentre a fâ part dai Umami-Raiz Latina, progjet che al valorize e al difont la musiche andine e afro-latinoamericane. Al continue la sô ativitât soliste a Torin e in colaborazion cun artiscj talians e sudamerecans di spic come: Lalli, Stefano Giaccone, Alberto Cesa (intal toc Zamba de mi Esparanza) e altris. In duo cun il concertist Oscar Roberto Casares al realize un grum di concierts e lavôrs discografics fasint cognossi l’impuartançe da la ghitare argentine. Al scrîf tocs ispirâts a Atahualpa Yupanqui e a l’uruguaian Alfredo Zitarrosa. A si svizine al tango argjentin realizant diviers spetacui prime di tornâ in Argjentine ‘la che ai ven dedicât il Festival dal Quirquincho de la piedra in riconosciment da la difusion da la musiche e da la culture argjentine e da l’Americhe dal Sud in Europe.
