Il Random Quartet al nas tal 2006 tal conservatori G. Verdi di Turin; superât l’ultin esam e nas la necessitât di lâ indevant insiemi tun discors musicâl ancje fûr dal ambient academic. Pôc ae volte e cjape forme la idee di un cuartet di arcs disleât des regulis tradizionâls, dulà che a podedin convivi gjenars e guscj musicâls ancje cetant diferents tra di lôr.
Cun chestis premessis si disvilupe une esperience musicâl a 360 grâts, ancje se fondade su lis basis de tradizion classiche. Tal 2007 a scomencin duncje i esperiments cun rangjaments di colonis sonoris, cjançons pop e tocs folk fin a rivâ ae musiche rock e metal, a testemoneâ la grande versatilitât di cheste formazion.
Formazion:
Giovanni Bertoglio – violin prin e coordenament;
Lucia Pulzone – violin secont;
Tancredi Celeste – viole;
Chiara Manueddu – violoncel.
