Al à començât cui Guaranteed Pure par dopo otignî un bon sucès cui Stiltskin: la nomee di vocalist di grant impat i à dât in curt une grande visibilitât, che i à permetût di jessi notât e clamât par jentrâ a fâ part intal 1996 dai Genesis, un dai grups mît dal rock progressîf a nivel mondiâl, cjapant il puest dal baterist e cjantant Phil Collins. Duncje al partecipe ae realizazion dal album Calling All Stations (1997), par dopo lâ in tour cu la band. Cundut des buinis venditis e des otimis reazions massime pal so lavôr vocâl, ae fin Tony Banks e Mike Rutherford a decidin di sierâ lis aventuris dai Genesis. Ray Wilson al decît alore di lâ indevant cuntune cariere solistiche che lu viodarà publicâ ben cutuardis album sot dal so non. Di là dal so spetacul solo, al à tornât a meti adun la sô band origjinâl, i Stiltskin, che cun chei al à publicât trê gnûfs discs e al propon un conciert dedicât al repertori classic dai Genesis.
