Un repertori che di simpri al vîf e al rimbombe sot dal vulcan e al cjape dentri villanelle (une forme di cjançon nassude a Napoli ai prins dal 1500), madrigali e baladis classichis di autôrs tant che il Velardiniello di Boccuccia de no pierzeco apreturo, il Sbruffapappa di Vurria ca fosse ciaola, l’Orlando Di Lasso di Sto core mio. A son i sens, intal lôr esercizi composit, che a zuin un rûl determinant e che a personalizin la vision oniriche che e ven fûr di chi. Un fenomen percetîf pardabon di fate straordenarie. Un spetacul nassût dal desideri di proponi un repertori inmagant, intervignint cuasi tant che une sorte di musiciscj modernis di cort, che a cjapin ispirazion di chestis composizions, conservant lis melodiis origjinâls e rielaborant la componente armoniche cuntun stîl e cuntun ritmi di conotazion contemporanie.
Formazion: Luca Aquino – trombe e flicuar; Chiara Fusetti – violin; Luigi De Maio – violin; Gerardo Morrone – viole; Antonio Di Francia – violoncel; Gianluca Brugnano – batarie.
