“Casele dai imprescj” al è il nom dal tierç contenitôr ‘la che a vignaran metûts insieme dai struments utils par cui che al vûl cjapâ le strade de cariere artistiche. Tal cors di cualchi cjacarade cun tecnics e operadôrs dal setôr dal spetacul, a si frontaran tematiches leades al Showbiz. Chest an i incuintris e saran tignudis da Valentina Zanelli zovine promoter torinese, titolâr di une startup par il management, che a propon un tema un grum interessant: “Cemût presentasi ai showcase festival”. Al concludarà chest approfondiment Elisabetta Malantrucco (gjornaliste Rai interne ae redazion di Techeté) che a presentarà il so progjet dedicât ai patrimonis smenteâts tai archivis de Rai con donRomano Michelotti di Glesie Furlane e Andrea del Favero di Folkest.
