Italia

Un suon ipnotic, a metât strade tra chel di un piano, di un clavicembal e di une ghitare. Lis cuardis di metal batudis da dôs bachetutis di len, ricuviertis di coton. Un strument cuntune storie antighe, il cymbalom: lo puarterin i Crosâts da l’Orient, e intal timp al è diventât princip inte musiche gitane, oltri che dal repartori popolâr e klezmer da l’Europe centrâl. A partis da chi la ricercje sonre dal Baraccone Express, un quartet che al cymbalom ai met doncgje il clarinet e il sassofono contralt, flicorn sopran e trombe, vôs e cuintrebas. Un grumon a son i parcors musichei che a ju ispirin: la musiche di Paolo Xeres (cymbalist e batarist), i riclams al mont da lis colonis sonoris (da Nino Rota ai Spaghetti Western) lis incursions inte musiche zingare e i sintîrs da l’Old Time Jazz.