Folkest – Showcase di musiche world 2025

Folkest Showcase par artiscj/grups emergents internazionâi tal cjamp de musiche world e je une gnove sezion dal program dal festival Folkest. A si davualzarà dal 4 al 6 di Lui a San Denêl, Friûl, Friûl Vignesie Julie, Italie. 

8 artiscj europeans emergents e saran selezionâts di une jurie internazionâl pai Folkest Showcase, ienfri un dai plui impuartants festivals folk dal Sud de Europe, e saran viodûts e scoltâts di agjents internazionâi, programadôrs di festivals, curatôrs di musiche e dal public dal nestri festival! In plui e varan la pussibilitât di vê rispuestis dai professioniscj dal setôr, di slargjâ i lôr rapuarts professionâi e ancje di vê oportunitâts di jessi metûts sot contrat par futûrs spetacui e di partecipâ aes percors di formazion.

Folkest Showcase al è membri di UPBEAT – Platforme europeane par Showcase di Musiche World. Il nestri program di showcase al è sostignût di Upbeat, de Union Europeane, de Regjon Friûl Vignesie Julie e dal Comun di San Denêl.

•Acès plen a ducj i concierts dal festival, i events de rêt, i incuintris di studi e i percors di formazion professionâl;

• Visibilitât e riscuintris di un grup di professioniscj dal setôr musicâl, agjents, festivals, programadôrs e curatôrs musicâi, gjornaliscj e esperts; 

• Oportunitâts di impegn pai delegâts internazionâi e talians; 

• Aumentâ la cognossince e lis relazions intai seminaris e tai percors di formazion professionâl dedicâts ai musiciscj; 

• 500€ di budget par ogni grup e ospitalitât in hotel par une gnots. Il traspuart al è a spese dal artist/grup;

• I Folkest Showcase a son vierts a artists/grups di ducj i paîs de Union Europeane e in plui di Islande, Norvegje, Liechtenstein, Albanie, Bosgne e Erzegovine, Kosovo, Montenegro, Macedonie dal Nord, Serbie, Georgie, Tunisie e Ucraine;

Ducj i artists/Grups e varan di:

•Proponi un proggjet di musiche World; 

•Dâ un conciert showcase di 40 minûts; 

• I artiscj a àn di jessi pronts a frontâ un program intensiv, che al varâ incuntris, seminaris, incuintris, Folk Clinic dilunc de lôr permanence a San Denêl.

Ce si intindial cun Artiscj Emergjents Europeans? 

Artist Emergent European al vûl dî che l’artist/grup al à di jessi legalmentri resident intun dai paîs elegjibii pal progjet e al à di sodisfâ ciertis carateristichis. 

I Paîs elegjibii a son ducj i paîs de Union Europeane e in plui Islande, Norvegje, Liechtenstein, Albanie, Bosgne e Erzegovine, Kosovo, Montenegro, Macedonie dal Nord, Serbie, Georgie, Tunisie e Ucraine; 

• L’artist/grup nol à di vê fat plui di 3 albums;

• No dovaressin jessi passâts plui di 5 agns di cuant che al è saltât fûr il prin disc dal grup che si iscrîf;

• No si à di vê plui di 20.000 follower sui social media (sui singui canai);

• L’etât medie dal Grup no à di jessi plui alte di 35 agns;

• L’Artist/Grup nol à di vê partecipât a un tour internazionâl di plui di 10 datis; 

• L’Artist/Grup nol à di vê un contrat cuntune etichete internazionâl;

• L’Artist/Grup al à di vê une presince costante sul web (sît web e social media);

• L’artist/grup al à di vê tignût almancul un conciert intune situazion professionâl.

La selezion dai artiscj partecipants e sarà fate di une jurie internazionâl, sielzude tra i delegâts internazionâi invidâts di Folkest Showcase.

I artiscj selezionâts a saran comunicâts sul sît web di Folkest e sui canâi sociâi. Ogni iscrit acetât al ricevarà une email de organizazion di Folkest Showcase.