Vinars aes 21.15 a Sauris e je la volte dal stîl inconfondibil de vocalitât dal doi componût dal inglês Russel Joslin e la australiane Sarah McCaig, considerât un dai grups plui interessants de aree londinese (orari simpri 21.15).
[message_box title=”RUSSEL JOSLIN e SARAH MCCAIG” color=”yellow”]
Lûc dal conciert: Sauris, Centri sportîf [Cemût rivâ ca di nô]
Zornade: 29/06/2018
Artist: Russel Joslin e Sarah McCaig
Paîs: Inghilterra, Australie
Inizi dal conciert: 21.15
Ientrade: a gratis
[/message_box]
SAURIS
Daûr di une liende Sauris e sarès stade fondade tant timp indaûr di doi soldâts todescs che, scjampant de vuere, si jerin taponâts tal teritori dulà che cumò al è il centri abitât. Leint i dâts storics il prin nucli abitatîf si sarès creât tal secul XIII dopo de imigrazion di cualchi val de Austrie. Cetant impuartante, te storie di Sauris, e je la costruzion dal implant idroeletric de Val Lumiei cu la sô dighe, tra il 1941 e il 1948. Il lât artificiâl al somerzè la localitât La Maine che di chê a son inmò i rescj sot de aghe. A Sauris si fevele inmò, dongje dal talian e dal furlan, une lenghe antighe e inmagante, un dialet todesc dal grup linguistic dal bavarês meridionâl. La lenghe saurane (se zahrar sproche) e à risintût tal timp dal contat cu lis popolazions dongje, ma e conserve inmò tancj trats arcaics che a vegnin dal todesc fevelât tal secul XIII (mittelhochdeutsch). Sauris al è un centri siôr di tradizions culturâls e gastronomichis di grande cualitât, cuntune ufierte turistiche di ecelence, e dongje di chê si è di pôc zontade la struture rinovade dal Centri sportîf.