Cividât dal Friûl al fò fondade inte ete romane da Gjulio Cesâr cu’l non di Forum Iulii, ‘la che daspò al nassè il non de regjon, al fò il capitâl dal ducât langobart dal Friûl, de Marcje furlane e capitâl temporâl dal Patriarcjât di Aquilê.
In ete longobarde, fra il VI e l’VIII secul, a fò clamade Civitas Fori Iulii. Intal X secolo, jessint posizionade inte part orientâl dal ream di Lotari, a tachè a clamasi Civitas Austriae. Scurtant il non ufficiâl, la popolazion a la clamè Civitate(m), e da chest ai nasserin i nons locâls di Cividât, Zividât, Sividât e daspò, torn al XV secul, chel di Cividal d’Austria e finalmenti, dome de vuere fra Vignesie e la Leghe di Cambrai indevant a si taché a dropâ l’atuâl denominazion Cividâl dal Friûl.
Tra i monuments di intares a son carataristics il Puint dal Diaul cu’ la sugjestive viste sul Nadison, il Museo cristian locât dongje dal domo ‘la che a si passe par visitalu, al ospite il batisteri di Calisto (VIII secul) e l’are di Rachtis (730-740 cirche), capolavôrs dae sculture longobarde ed infin l’Ipogeo celtic, ambient scavât sot tiere; diversis a son lis interpretazions su l’origjine e la funzion, e a si ipotize une funzion funerarie e daspò chê di parason in ete romane e langobarde.
