Intal teritori di Cjampfuarmit e da lis sôs frazions a viverin comunitâts par sigûr in ete romane fintremai dal I – II sec. a.C.; e di fat a son stadis cjatadis diviers insediaments e diviersis necropolis romanis.
Il comûn al è cognossût par vê dât il non intal 1977 al tratât ‘la che Napoleon al dave il Venit a l’Austrie otignint la Lombardie e metint fin ae republiche di Vignesie. Il tratât al fò firmât dal gjenerâl Bonaparte e da cuatri rapresentants asburgjics li da cjase di Betrando del Torre, locade in chê che cumò a è clamade plaçe dal tratât.
La statue da Pâs, cognossût monument di intares, a si cjate inte Plaçe dal tratât. Chê di Cjampfuarmit a è une copie da statue comisionade da Napoleon Bonaparte par ricuardâ il tratât.
La glesie principâl di Cjampfuarmit a si cjate in plaçe dal tratât e a è dedicade a Sante Marie da Purificazion; a fò realizade inte forme di cumò da l’architet d’Aronco a l’inizi dal Nûfcent ma a fò rifate su une vecje glesie medievâl, i cui rescj a si cjatin inmò inati afrecs dal Cinccent, l’altâr e la piere da l’aghe sante.
