II toponim Cjanive al ven par solit ricondot al termin latin canaba o canipa, cantine o magazin militâr; altris a individuein il collegament cun la plante da cjanaipe, ma cheste seconde ipotesi a samê basade dome sul casuâl someâ di chestis peraulis. Villa Frova, ‘la che a si fâs il conciert, al è posizionade intal centri de frazion di Stevenà di Cjanive, a si riclame stilisticamenti a lis vilis venetis e al è stât par cualchi deceni residence de famê di origjine lombarde ch’ai dà il nom e che a ere impegnade inte colture da sede. Inte struture a si podin inmò jodi i cuatri esicatoios ‘la che a stavin i cavalîrs da sede e che insiemi a chei di Racconigi a rapresenin i unics esemplârs inmò esistents in Italie di chest model. La Vile a è contornade da un grat bearç e da un parc plen di plantis.
