Il paîs è cognossût pa’l puint sul flum Tiliment, ‘la ch’a si gjôlt di une viste spetaculâr inte glerie dal flum e sui dolçs paesaçs da zone. Fat saltâ pa l’arie inte Prime Vuere Mondiâl dai talians in ritirade daspò il disastri di Cjaurêt al è stât tornât a tirâ su dopo la vuere.
Pardabon ruvinât da l’alluvion dal 1966 al è stât demolît par jessi tornât a tirâ su intune arcade, diversamenti a chel prin costruît cun trê.
“Pinçan” al è un toponim di origjine prediâl che al ven de ete romane. Al ven a stâ che in cheste zone, ‘la che probabilmenti al ere già un paîs, a fò conces ad un colon di non Pincius. Il specificatîf “al Taliment” al è stâ zontâ cun il Decret regjo n.3893 dal 18/08/1867. Intal comun e àn origjin prediâl ancje i toponims “Valerian” e, probabilmenti, “Ampian”.
