A fò abitât fintremai dal II secul a.C. da comunitâts di Carni e al fò daspò tocjât da l’espansion dai Romans e dai Langobards. Par sigûr a si sà che che l’autoritât patriarcâl a jere presint tal cjiscjel di Pradumbli (nom che al ven fûr da “Pratus Domini”, prât dal siôr, ven a sei il patriarcje), prime del 1225. L’invasion francese dal 1797 e metè fin a l’ordinament di vieri regjim. Cul tratât di Cjampfuarmit, Prât al passè a l’imperi austriac, ma tal 1805 al fò tacât al napoleonic Regn d’Italie; daspò la Restaurazion dute la val a tornè sot l’Austrie la ch’a è restade fintremai al 1866, an ‘la che a diventè part de Italie. Numerosis e son lis glesis plenis di operis d’art. Fra chestis ricuardin la glesie parocchiâl di San Canciano (dal Tresinte), la parocchiâl di Sant’Antoni di Pieria fate tal Sietcent e la glesie di San Leonart a Dasaias (che a esiste almancul dal 1391).
