La localitât, ben pojade dongje il Nadison, a si cjate dongje dal cunfin cu la Slovenie e a gjôlt di un paesagjo di grant interes e bieleçe. La strade che a puerte al valic di Pulfero a diventè, di già inte preistorie, un itinerari important che al coleghe il Friûl a la regjon cjargnele-carinziane. Tal periodo roman chest colegament a si struture inte vie Apie che, partint da Acuilê, tocjava Cormons, San Pieri, Pulfar, Plezo, Tarvîs e a finive a Virunum (dongje Klagenfurt). Vie par chest valic a paserin un grum di spedizions militârs (da lis legjons romanis diretis al Noric e a la Panonie, fintremai a Napoleon) e a pasarin cuasi ducj i invasôrs dal Friûl (dai langobards fintremai a la rote di Caporet). Il davuelgisi dai trafics al puartè lis vals dal Nadison a un evolude fase socio-economiche che a fò nassi gnovis istituzions; un esempli al è la Bancje di Antro, ven a sei un consei eletîf ch’al tratave i afârs politics-giudiziaris dal territori. La funzion particolâr che lis vals e cjapèrin a ven plan plan simpri a mancul cuant che i venezians, butâts ju il patriarcjât, a sierarin il valic di Pulfero cun chê di favorî i cumierc di Glemone a dan di chel di Cividât. Fra lis oparis plui impuartants dal comun ricuardin la glesie di San Zuan a Antro e la sugjestive glesiute di San Jacum Apuestul a Biacis.
