Il comun a si cjate inte planure dal Friûl d’orient, e al è traviersât dai flums Tor, Judri, Vierse e dal riu Bisont.
Intal teritori al vivè l’om almancul da Preistorie e la tradision a vûl la presince inte zone di un vecjo cjascjelîr. No da nue a è la testemoneance romane cun cinc insediaments rustics che a son stâts identificâts.
Intal 1986 a ven scuvierte in localitât “San Zorç” une da plui grandis necopolis langobardis d’Italie; cualchidun dai reperts cjatâts chi a son esponûts sia al Museu Archeologjic Nazionâl di Cividât, citât che a fò capolûc dal ducât langobart sia a Aquilee, la capitâl de X regio et Histria ai timp di August.
Il centri religjous plui impuartant a fò, par un grumon di secui, la frazion di Vierse, ricuardade ancje par i combatiments che a si fòrin intai ultims dîs di lui 1866, pouc prime de firme da l’armistizi di Cormòns.
