San Quirin al è posizionât insom da da periferie nord di Pordenon e colegât cun cheste da lis vastis praterîs da la Comina e da la Roiata. Al sares miôr clamales ex-praterîs, parceche chest teren, ‘la che al fò metût su un dai prims cjamps de aviazion in Italie tai prins agns dal XX secul, al è stât glotût da l’espansion di Pordenon e da une industrializazion impresionant. Achì al si è disvilupât un tiessût industriâl e artigianâl impuartant, che al ufris di lavorâ a diversis centenârs di adets. No da smenteât a è la tradizionâl font di reddit di cheste zone, l’agricolture. San Quirin, Sante Foche e Sedran a formin il comun sanquirinês dal dì di uê. Intal Tresinte, i Cjavalîrs dal Templi, daspô diventâts cavalîrs di San Giuan di Gjerusaleme e quindi di Malte, parons di San Quirin, a isituerin inte zone une cjase cun il custode, che faseve da ospizi par pelegrins e une glesie dedicade a San Zuan Batiste. Cheste achi a fò distrute inte invasion dai Turcs tal 1499, ma subite, già tal 1500, tornade a tirâ su. Cheste glesie a fò slargjade intal Votcent. Da la presince dai Cjavalîrs dal Templi, daspò clamâts di Malta, nuje al è restâts a San Quirin: forsit dome il steme che al domine il timpano de vile Cattaneo intal centri dal paîs, biele costruzion dal Sîscent-Sietcent.
