Il comune di Travesio al dì di uê al è costituît da dôs entitâs un timp separadis fra di lôr e cun storis diviersis: Travês e Toppo. La zone di Travês a è famose par la produzion di formadi Montasio, di otime qualitât. Sul lât industriâl a son, in prim, doi i setôrs che a ufrisin plui prospetivis, chel tesil e chel dai cimentificis. L’antighitât di Travês a è testemoneade da la presince da la plêf di San Pieri, une da lis più grandis di dute la diocesi di Concordie: prime a slargjave la sô giurisdizion spirituâl dal Tiliment al Medune, dai monts a la parochie di San Zorz da la Richinvelde. A fò glesie mari di dutis lis glesis de zone, ancje di chê di Spilimberc, che dopo un grum di secui a vares cjapât su l’ereditât spirituâl.
