I plui vecjos reperts che a testemonein una presinçe umae inte zone di Vilac a son dal tart Neolitic. Ritrovaments romans da I secul prime di Crist, a mostrin l’esistence di une stazion di cambi stradâl clamade Santicum. Il nome Vilac al nas da une altre stazion dal dazi di epoche romane clamade Bilachinium o Bilachium. Viers il 600 inte zone a vegnèrin popolazions slavis che metèrin su il domini de Carantanie, che intal 740 al divente poses dai Duches di Baviere e daspò dal Sacri Roman Imperi. Le citât e il so puint su le Drave a forin nominâts le prime volte intun document dal 878. Intal 979 la citât a fò dade come feud da l’imperadôr Oton II al vescul di Bresanon Albuino. Dal 1007 fintremai al 1759 Vilac a fò posediment de diocesi di Bamberghe; dal 1060 a fò sede di marcjât e intal 1240 a fò alçade al nivel di citât. A fò ricostruide plui voltis par vie di incendis e di doi taramots devastants. Viers le prime metât dal XVI secul Vilac al diventè il centri carinzian de Riforme Protestant. I abitants di fede protestant forin costret a emigrare intal secul dopo, acelerant il declin economic de citât. Tal 1759 Vilac, insiemi a altris posediments da la diocesi di Bamberghe in Carinzie a fò dade a l’Austrie. Cun lis riformis introdotis da l’imperadore Marie Taresie Vilac a diventè, come Klagenfurt e Völkermarkt, capolûc di un distret. In etât napoleoniche la citât e il so distret forin inseridis ta lis Provincis Illirichis.
