Al è un comun sparniciât jessint che la sede municipâl a no si cjate inte localitât omonime ma inte frazion di Anduins. Il comun a si davuelç intun vast territori lunc la valade da flum Arzin, plene di boscs e di flumeris in gran part incontaminadis da l’om.
La prime part dal toponim a ven dal latin vicus “vilaç”, e da aì il furlan Vît, talianizât in Vito. La seconde part a è un non coletîf dropât une volte par clamâ il teritoriche al cjape dentri i paîs di Vît, Anduins e Clausêt; atestât dal 1289 come «Asium» il non al è di origjine scognossude.
La storie di Vît, fin dal Votcent, a fò lede al non dal cont Jacum Ceconi, che al è nassût e al à vivût inte frazion di Pielunc, dulà che a si cjate la vile di famê clamade Cjiscjel Ceconi. Il cont al projodè a valorizâ il so paîs cun tantis oparis publichis; tra lis plui impuartants cjatin la Glesie di Sant’Antoni a Pielunc e la Strade Regjine Margherite.
